Padugo

May kadsadiri kan daga

kaya ta ini piggigibo.

Minapaisi nin dugo

sa mga nasa anino.

Kada harige dapat ipaaram

an pagkalot.

Pati paghawan kan awot

dapat dai magbuot.

Baka istaran nin takig

an harong na itutugdok.

Baka an tukod dai tumirindog

pag may nasikyudan

na buklod.

Dai man ninda pighagad

pero kaipuhan tang itao,

may kadsadiri kan daga,

kaya ta ini piggigibo.